12/26/2009

Alugbati sa Balde

Hulagway ni Manoy Egay


Alugbati, Bay, para padangog sa tiyan. Puwerte ning partner sa tangkong, saluyot ug kamunggay.

Usa ka bulan pa lang ni sukad sa pagtisok. Ug tan-awa... kutloig pang-utan, di ba may sobra pa alang sa sunod adlaw.

Wa ka masina? Ayg kabalak-i kon wa kay lunang katamnan kay sa balde ra na milipang.

Uy, ayg kaikog pagkuha, duha ka balde nang akong gitamnan, busa may reserba pa ta. Di lang masulod sa screen sa kamera ang usa. Hehe!

6 comments:

Balitaw said...
This comment has been removed by the author.
Balitaw said...

magbutang ko ug link sa ako facebook sa ako facebook.inspiring baya para mananom pod ang uban. kadaghan ang nag tiwangwang nga yuta sa ato. kakugi lang nag kulang

E.S. Godin said...

Okey ra magbutang og link, Miga. Sakto jod ka, kakugi ray kulang kay di gyod tinuod nang alibay nga way katamnan.

Ang tinuod, gusto lang gyod sa tawo magpakasayon. Kanang mopalit na lag largo sa tag-5.00 ang bangan. Nalimtan nila nga ang lingaw sa pagpananom di pod kabayrag sapi!

Balitaw said...

ah! kana sakto ka. Ang kalipay sa pagpananom usa sad na. ako uncle ug auntie, both retired,ang ilang garden igo para sa ila duha ang supply hangtod sa winter. ila gani i frozen ang chayote, kamates ug uban pa. kapanghatag pa gayod sa friends ug white squash. di man gani ang whole backyard ang gitamnan, gipalibot lang sa lawn, naa sad uban sa masitera lang sama sa imo gihimo. makalingaw unya di sila bored, dili addict sa tv or tung-its :)labi na kaha sa ato no? nga way winter.

E.S. Godin said...

Diri nuon sa ato tibuok tuig gyod tang makapananom. Naa ra nato unsaon pag-intercrop aron magpadayon nga productive ang yuta. Ang nakaparat lang, paskang daghana sa yuta untang gipasagdan lang nagtiwangwang. Ibog lagi kaayo ko. Kon ako pa lay nakatag-iya anang mga yutaa, ay! Hehe!

Bitaw, anugon man god nga gipasagdang dili productive ang yuta, sa? I think, wala na maghunahunag pananom ang uban labi na sa mga medyo asensado nag kahimtang. Ang nakadaot pa gyod kay ang mga yuta, esp. agricultural land, gipanag-iya ra baya sa mga dato. Diri lang sa Bulacan, pagkadaghana pa untang bakanteng patag nga puyde matamnan. Pero wala na tingali nila umaha kay unsaon pa man nila nga asensado na man buyag. Mao tingaling gutom diri sa Pinas ug mahal ang palaliton kay diyotay ray nananom. Unsaon gipanag-iya ra man lagi sa mga dato ang kayutaan. Nakahunahuna bitaw ko nga maayo unta naay Lease to Cultivate Scheme ang gobyerno aron mapuslan ang mga bakanteng luna nga gipasagdang nagtiwangwang sa mga tag-iyang wala na maghunahunag pananom. Imbes mag-import og mga utanon, o imbes mopalit sa merkado, mananom tag atoa, di ba?

Balitaw said...

maayo na nga idea da!