1/04/2010

Greens & Reds

Photos by Manoy Egay

Sa kagamay sa lugar sa among nataran, dili pod magpaalkanse si Misis sa mga tanom niyang masetas. Kanunay na hinuon ming maglalis kay iya na mang gianam-anam og ilog ang akong puwesto. Sa primero, maayo na namong sabot nga iyaha ang lugar nga simpig sa bungbong, ug wa koy paki kon unsay iyang itanom. Hasta pa ang dapit sa pultahan iyaha sab, bisag pun-on pa niya sa mga kaang. Ang koral sa atubangan, iyaha pod, diin gipamatongan gihapon niyag dagkong kaang sa lainlaing masetas.



Ang resulta, ang aling haloblak nga kanhi gipamatongan nakog kaang sa mga sibuyas, karon iya nang naseripo nga gipamatongan niyag mga kaang sa lainlaing tanom nga mamuwak. Ahaka lagi!



Aw, nindot man sad nuong tan-awon ang mamuwak nga mga tanom. Pero kutob ra lagi ta sa tan-aw, di ta makakaon. Wa gyoy sama sa mga utanon. Pero, ahhh, wa na lang ko magdaghag langas, uy! Hay labig di na pod ko niya patamnon.

(Aw, tuod no, naa man sad diay buwak nga makaon, sa?)--

2 comments:

Candice Salazar said...

:)

Candice Salazar said...

http://www.agribusinessweek.com/agriculture-students-grow-vegetables-for-money/#more-1444

http://www.agribusinessweek.com/from-housemaid-to-kangkong-queen/

http://www.agribusinessweek.com/urban-dwellers-grow-veggies-in-a-park/